Shoko Rinobaya Sebakatwa

Shoko Rinobaya Sebakatwa

Kana waunoda avakukusema

Mweya unopisa semoto uchifema

Kunyangwe murudo waive gamba

Mwoyo wobvaruka wotode zvigamba

Musoro wokura kudarike damba

Mwoyo shungurudzika kukungura kunyora tsamba

Izvi zvandinonzwa mumoyo kukungura kuzviramba

Mwoyo wobvira sounemoto unopfuta

Zvinowobaya neshoko rinobaya sebakatwa

Nhamo yakava yangu yokuvamurombo

Ndozvibvunza kana ndiinewo rakanaka rombo

Mwoyowangu unoshuva kuimba icho chimbo

Asi worema sewakasenga makuru matombo

Ndangariro dzekwatabva nekwataienda

Zvino ndonzwa kubitirwa andisi ndotofenda?

Kutizvitaurike azvitaurike muromo worema sematanda

Museve wemashoko ndiye wandaida akanda

Wobaya mwoyowangu zvikuru neshoko rinenge bakatwa

Ndini uyo ndasara ndava ndega

Zvino izvi zverudo zvazvaramba ndorega?

Kwaari ndiko maziso anga akaringisa ega!

Zvino ndokuuya ovesa moto unobvira

Wakabvira mumwoyo setaitamba bira

Rudo mumwoyo semvura inotonhodza akanga adira

Zvino zvaotaura makukutu maodza moyo ndotozvifira

Kutsvaka runako pachiso semate ini ndatopfira

Sare ndiri ndoga ndichishuwira kumumirira

Asi mumoyo nemupfungwa semurume ndotozvisimbira

Kunyangwe chiitiko ichi chichibaya zvinopinza semunondo

Rekai ndingo bhururuka segondo

Mashoko achibaya zvawo semunondo.